கைவல்ய நவநீதம் - பாயிரம்: குரு வணக்கம் (பாடல் 3)
கைவல்ய நவநீதம்
பாயிரம் | பாடல் 3
குரு வணக்கம்: அத்வைத அனுபவம்
"எவருடை அருளால், யானே எங்குமாம் பிரமம்; என்பால்
கவருடைப் புவனம் எல்லாம், கற்பிதம் என்று அறிந்து,
சுவரிடை வெளி போல், யான்,என் சொரூப சுபாவம் ஆனேன்;
அவருடைப் பதும பாதம்,அநுதினம் பணிகின்றேனே."
#The_Guru: இருள் நீக்கும் ஒளி
யாருடைய அருளினால், "நானே எங்கும் நிறைந்த பிரம்மம்" என்கிற அனுபவம் கிடைத்ததோ; என்னிடத்தில் தோன்றும் இந்த உலகமெல்லாம் வெறும் கற்பனை என்றுணர்ந்து, சுவருக்குள் இருக்கும் ஆகாயம் போல நான் எனது நிஜ சொரூபத்தில் நிலைபெற்றேனோ, அந்த குருநாதரின் தாமரை போன்ற திருவடிகளை நாள்தோறும் வணங்குகிறேன்.
💡 2026 ஞானச் சிந்தனை: ஒரு அறையைச் சுவர்கள் பிரித்தாலும், அந்தச் சுவருக்குள்ளும் வெளியிலும் இருப்பது ஒரே ஆகாயம்தான். அதுபோல, உடலால் நாம் பிரிந்திருந்தாலும் ஆன்மாவால் நாம் அனைவரும் ஒன்றே.
🧩 சிந்திக்க ஒரு விடுகதை:
"இருட்டில் இருப்பவனுக்குப் பாதையைக் காட்டுவான்... அறியாமை எனும் தூக்கத்தை விரட்டுவான்... கைம்மாறு வேண்டாத அவன் யார்?"
(பதில்: சற்குரு - ஞானம் அருளும் ஆசான்!)
உண்மை ஞானத்தைப் பெற உங்களுக்கு எது மிக அவசியம் என நினைக்கிறீர்கள்?
திருவடி ஆசிரமம் இலங்கை
கருத்துகள்
கருத்துரையிடுக